لسه فيا الروح..بقلمى(صابر)

--------------------------------------------------------------------------------

لسه فيا الروح

لسه فيا الروح ولسه فيا قلب..
من سنين ضحكت عليا بوهم حب..
زوقتلى الدنيا جنه..
لما م الحب اتقتلنا..
دوقتنى كل صعب..
مش ح اموت من قصه زايفه..
من عيون مابقتش شايفه..
واللى يوم باعت وخايفه..
مش حموت لو سيبتها..
هيه حره ف امرها..
بس باعت عمرها..
واكتفينا م الجروح..
لو ح تمشى خلاص تروح..
لسه فيا قلب يعشق..
لسه فيا الروح..

كنت بحضن ف الكلام.. من قبل ماتقوله الشفايف..
كلمه بالشوق والغرام ..وكلام كتير ماطلعش خايف..
قلبى بيضم الحروف..
وارتجف وانا كلى خوف..
زى اعمى مش بشوف..
كنت احسس ع الحروف..
خوف لاكلمه توجعك..
ولا حرف يجرحك..
كتر احساسى بمشاعرك..
واهتمامى كتير بزعلك..
طمعوكى ف بيع رخيص..
كنتى حالفه ماتشتريش..
واكتفينا م الجروح..
لو ح تمشى خلاص تروح..
لسه فيا قلب يعشق..
لسه فيا الروحش