موضوع: الى رئيس مصر القادم..بقلمى(صابر) 16/05/12, 04:03 pm
انت عارف ان بلدك.. عمرها سبع الاف وان فيها نهر خالد.. وارض خصبه بالالاف غير كنوزها ..من تراثها ..من ملوك قدماء عجاف والاصاله اللى ف ترابها..وروح ولادها.. ناسها مصريين لطاف والعزيمه اللى ف شبابها.. يبهروا كل اللى شاف
رغم ذلك.. فيها ناس بتنام خفاف وناس ساعات مش لقيه تاكل.. لقمه حاف وناس تنام الليل غطاها .. السما بدل اللحاف رغم ان ناس بلدنا مؤمنين.. وناس تخاف ناس بتعرف ربنا..وهما دايما ف اعتكاف ناس بتشقى وربنا.. بس الدولار منهم يخاف
انت عارف البطاله اد ايه بين الشباب كل شاب فى بيته عاله.. واهلوا بيقاسوا العذاب نص عمروا راح فى علموا.. فى المذاكره والكتاب بس قاعد جنب امه.. يشكى همه للصحاب يعنى محتاج نص فرصه.. يجرى يبدء ف الحساب ياما لاقى ودان و طرشه.. وطاف وخبط كل باب امتى يلقى وظيفه فاتحه ..يفوق ويصحى م السراب
انت عارف العوانس ف البلد دى اد ايه كل شارع.. لاء وجايز كل بيت تلاقى فيه كام صبيه راح شبابها.. ع العريس تستنى فيه والجواز فاتها وسابها.. والشباب معهوش جنيه تنحرف دى ولا ايه..عايزه بيت وتخاف عليه.. عايزه واد كسيب وقادر يشتريها م اللى فيه.. بس غلبان يعمل ايه..مش بيلاقى اللى يكفيه..
انت عارف رب اسره.. من تلاته وامهم قد ايه يتعب ويشقى ..يبات ليلاتى بهمهم اى راجل فى البلد دى عنده اسره قد ايه مطحون ياكبدى وعنده عسره يعنى محتاج فكر واعى.. وناس تراعى المسئوليه ويكونولوا عون يساعده.. وضهريحمى.. وايد قويه مش حكومه اخطف ونجرى.. ولا ناس بايعه القضيه
انت عارف جوه بلدك كام غلابه ع المعاش لو حتسألهم سيادتك ليه شقاهم راح بلاش بين مرض وانين مشاكلو.. ولا ياكلو.. ولا ظالم مااختشاش ولا قسط.. ولاقرض.. لسه اجلوا منتهاش مش بياخد غير فتات.. كل يوم قهر وعياط والعلاوه سلحفاه.. والديون زى القشاط..
رغم ذلك.. جوه بلدك ناس ف تخمه وانتعاش مهما تغلا.. ولا تولع ..دول حيتان مايهمهاش عندهم ملايين بلاش.. بحر موسى مايفنيهاش واللى يصرفوه ف ليله.. يغنى قد محافظه كاش انت عارف جوه بلدك فيها ايه ولا عارف اهل بلدك عوزه ايه ولا نازل للوجاهه تلاقى ناس تسهرمعاها مصر عايزه ابن بار يكون عشنها ليل نهار ولا ايه ايه رأيك ف بلدنا يابيه؟؟؟
موضوع: الى رئيس مصر القادم..بقلمى(صابر) 
16/05/12, 04:03 pm
