وحشتنى..بقلمى(صابر)

موضوع: وحشتنى..بقلمى(صابر) 08/06/12, 11:24 am

وحشتنى

قرب عليا وحشتنى..
وبُعدى عنك هدنى..
خلانى اتصور حاجات..
تعالى حضنى وحشتنى..
كان ليه بعدت وسيبتنى..
وخيالى يسرح ف حكايات..
اول ماشفتك ارتجفت..
معرفش فرحه ولا خفت..
افرح ياعمرى حبيبى عاد..
كل اللى فات..راح م السكات..
مافيش ف عينى غير عياط..
مش كنت فين..ولاعند مين..
كل الفراق كان ماضى مات..
وبقيت هنا..مع بعضنا..
ح افضل معاك طول السعات..
مابين ايديك..قدام عينيك..
كل يوم اصبح وابات..
رجعتلى..وحشتنى..
ارجوك خلاص بلاش بعاد..
عوضنى بيك..م الخوف عليك..
كام يوم وليله وشهر فات..
بُعدك حرام..يبقى انتقام..
من قلب دايب ف الاهات..
بص ف عينيا..وارحم شويه..
بتسيبنى ليه من غير ميعاد..
انا بشتكيلك..كان نفسى اجيلك..
لو حتى اروح اخر بلاد..
ياحب عمرى..وحشة عمرى..
ووحشتنى بكل الحالات..
فاكرك يوماتى..وطول ساعاتى..
بقول واعيد نفس الحاجات..
كان لينا قصه..وعايشه لسه..
حكايات جميله وذكريات..
طيفك ماليها..وكنت فيها..
وانا عشت بيها م السكات..
اتمنى اشوفك..واعرف ظروفك..
تعبت اعيش ع الذكريات..
وحشتنى ..وحشتنى ..
خلى النهارده تاريخ ميلاد..
وحشتنى..

» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» ليا حق..بقلمى(صابر)
» كل يوم..بقلمى(صابر)