حبك حياه..بقلمى(صابر)

موضوع: حبك حياه..بقلمى(صابر) 02/08/12, 09:15 am

حبك حياه

انا عارفه انك اشترتنى.. بعقد مش مكتوب..
قدرى ويا هواك واخدنى.. ومفتكرش ح اتوب..
دايما احلم بيك ف حضنى.. كل ليله وادوب..
حتى لما بتعاندنى.. وتمشى بالمقلوب..
افضل اتمنى تواعدنى.. فى جواب مكتوب..
واقرا لو كلمه تساعدنى.. م اللى بتهنى القلوب..
وافتكر صوتك ف ودنى.. قد ايه محبوب..
لما تهمس وتعاهدنى.. بعمر مش محسوب..
قول لقلبك ليه باعدنى.. و وقعك ف ذنوب..

حتى وانت باعدنى عنك حاسه بيك..
حاسه انى عايشه من احساسى ليك..
ليه بشوف حبك حياه..
روحى تتحرك معاه..
دنيا..عالم باللى فيه..عمر غالى بعيش عليه..
قلب ينبض.. جسم يشعر..
لما بفتكرك بقشعر..

قلبى بيقولك تعبت..حبى ليك خلانى دوبت..
مش قادره ابعد عن مرارك..
مش عارفه اعيش غير جوه نارك..
حبيت عذاب دوبت ف اساه..
وحبيب بموت حب ف هواه..
قلبى حيرنى معاه..
اجمل عذاب واحلى اه..
حبك دا دنيا باللى فيها..
حبك حياه..

ياكل عمرى باللى فيه..يااغلى حد حلمت بيه..
عملت دنيا انت فيها..وقلب من عطفك عليه..
مش عارفه حبك قد ايه..
وانا بقيت احتار معاه..
مابين حنين وعذاب واه..
معرفش اخرة صبرى ايه..
حبك دا كون وانت ماليه..
حبك دا عالم باللى فيه..
مالوش حدود ولا اتجاه..
حبك حياه

» ليه انا..بقلمى(صابر)
» قلب مين..بقلمى(صابر)
» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)