لقيت بديل..بقلمى(صابر)

موضوع: لقيت بديل..بقلمى(صابر) 26/10/12, 08:45 am

لقيت بديل

لقيت بديل..ح تكمل معاه..
طب فين انا من كل دا..
مشوار طويل ..غدرك ملاه..
محسبش يوم اخرك كده..
كنت مغمينى..ومغمض عينى..
وبروح وياك مطرح متروح..
تهجرنى..تجينى..
يكفى بتحيينى..
والحب معاك كان روح الروح..
ليه بعد سنين..تعشق تانيين..
وتخلى هواك يملانى جروح..
مع مين حتكمل من غيرى..
وتعيش ايامك مع غيرى..
طول عمرى معاك قلبى دليلى..
دلوقتى بيبكى ويشكيلى..
يعنى انت خلاص كان حلم وراح..
بعد الاحساس بعد الافراح..
كان حلم جميل وطلعله صباح..
ازاى من غيرى تعيش مرتاح..
ولقيت بديل طب روح كمل..
وادعيلى ان اقدر اتحمل..
وابان وانا وسط الناس عايش..
اكدب وازور واتجمل..
لو يسألونى اقول موجود..
واخبى انى بعانى واموت..
واكتم جراح قلبى ف صدرى..
من غير الم ولا آه ولا صوت..
تروح تعيش انت وتفرح ..
من غير ماتسأل مين تجرح..
مادام تلاقى حضن بديل..
وحد تانى ووقت جميل..
ليه تتعب روحك بالتفكير..
لو حتى تخسر حب كبير..
روح كمل معاه..
هيه دى الحياه..
بتحب التغيير..
وانت لقيت بديل

» انت آسف..بقلمى(صابر)
» من بره بس..بقلمى(صابر)
» لو كنت زيك..بقلمى(صابر)
» كل يوم..بقلمى(صابر)
» ليا حق..بقلمى(صابر)