متحاولشى تكون معايا غير حقيقتك.. متحاولشى خداع كفايه.. كون طبيعتك.. بتجافينى عشان طاوعتك.. وتبكى عينى عشان سمعتك.. مهما تعمل ف النهايه .. انا..اسمى حبيبتك..
يجرى بينا اللى يجرى.. حتلاقينى لسه فاكره.. لا انتهيت منك.. ولايوم نسيت.. ولاسيبتك.. ولابيعتك.. مهما يحصل لسه انا كلى بتاعتك.. لسه انا..اسمى حبيبتك..
انسى جرحى واقول لقلبى يقوم يساعدك.. خايفه وانا بشكيك لنفسى اكون وجعتك.. خايفه بُعدك.. خايفه مره تنسى وعدك.. خايفه لا الايام تباعدك.. خايفه م الظروف بتاعتك.. ع الفراق تقدر تساعدك.. وتنسى انى كمان بتاعتك..
باللى فيك واللى ماليك طول عمر قلبى بيعشقك.. كلى ليك..واشتاق اليك..تكدب عليا واصدقك.. من نفسى اشوفلك عذر.. واغفرلك مليون وزر.. طول عمرى بسامحك اصل.. غلطاتك ملهاش حصر.. واقبل اكون عاشقه ومحرومه.. وابات من غدرك مظلومه.. واستنى كتير تنصفنى.. وكأنك ولا تعرفنى.. واصرخ باهات مكتومه.. تتغير واقبل عذرك.. يكفينى ترجع وصلك.. والغالى كمان يرخصلك.. لا انا بتغير ولا بيعتك.. انا كلى لسه بتاعتك.. انا لسه.. اسمى حبيبتك
ابعد واهجرنى وكتر.. ابعد على قد ماتقدر.. لو عاجبك ابعد اكتر.. يمكن كان حلم اتفسر.. كده ارحم م اللى ح يحصل.. لو كنت احبك اكتر..
لو كنت محبتنيش..ابعد وماتلزمنيش.. لو حتى تروح متجيش..اهجر وانسانى اعيش.. وانا بعدك ممكن اكون..ممكن على قلبى تهون.. رغم ان دا طيش و جنون..وهم واحلام وظنون.. ح اقبل اكون بعدك ذكرى..مع عمر كئيب مسكون..
موضوع: انا لسه حبيبتك..بقلمى(صابر) 
03/11/12, 06:33 pm
