saber_200737
مدير المنتدى
المشاركات : 8501
العمر : 44
الدولة : مصر
رقم العضوية : 15
التواجد بالمنتدى : 
الاوسمة : 
نقاط النشاط : 22210
تاريخ التسجيل : 13/07/2008
اضافات
sms:
 |  موضوع: نسيت تقوللى أعمل إيه  29/09/10, 09:16 am | |
| أدتنى حب نفسى فيه..
وأمرت قلبى يحس بيه..
وشعور جميل أعيش عليه..
من أغلى حد روحى فيه..
لكن ياقلبى نسيتنى ليه..
ونسيت تقوللى أعمل ايه..
لو أحب أشوفك..
أعمل ايه..
لما يوحش عينى طيفك..
لما بقرا جمال حروفك..
بلقى نفسى.. نفسى أشوفك..
إعتذارك.. مش كفايه..
مش كتير ألاقيك معايا..
أنا بشر بشعر وأحس..
من يوم هواك بستنى بس..
على ذكرى حبك واللى فيه..
ونسيت تقوللى اعمل ايه..
غلبت ألاقى ميعاد مابينّا..
يمكن يطمن ع اللى بينا..
لا شفت منك نار ولا جنه..
ولا غلطه تسأل ع اللى جرالنا..
ونسيت تقوللى ماتوحشنيش..
لو غبت عنى وماتشوفنيش..
ولا اعمل ايه وانت مابتجيش..
قلبى العاشق إمتى يعيش..
اعتذارك مش كفايه..
الحل انت تكون معايا..
صدق انا بشعر وبحس..
عندى كرامه وعزة نفس..
وأنت أدتنى الحب وبس..
وشعور جميل أعيش عليه..
ونسيت تقوللى أعمل ايه..
لو احب أشوفك..
اعمل ايه | |
|
