يابلدنا الحلم ضاع..بقلمى(صابر)

ومحيرانى يابلدنا مافيش شعاع..

قلنا نحلم بس بدرى الحلم ضاع..

هوه ليه دايما طريقنا كله شوك..

ليه كده بنغرق ومش عارفين نفوق..

كل مانقول نبتدى ونطلع لفوق..

تيجى كارثه الدم ينشف ف العروق..

لو حد عنده حل ييجى يقول حلوله..

الشعب دا سهران بيبكى الليل بطوله..

ليه يامصرى الكل عايزين ينسفوك..

فوق ياراجل ده اللى قدامك اخوك..

دم واحد مهما حاولوا يلونوك..

ولا غموا عنيك وعرفوا يكمموك..

قسمونا دين ودوله وناس سياسه..

دول جهابذه ودول عتاوله ودول كناسه..

واللى يتكلم حيسكت بالرصاصه..

م النهارده اللبس يبقى دروع وطاسه..

محيرانى يابلدنا مافيش شعاع..

احنا اسياد فى البلد ولا رعاع..

ربنا يرحم ولادنا م الضياع..

لسه ممكن تانى نحلم..

ولا ضاع الحلم ضاع

» ان الاوان يابلدنا..بقلمى (صابر)
» ليه انا..بقلمى(صابر)
» قلب مين..بقلمى(صابر)
» انت آسف..بقلمى(صابر)
» من بره بس..بقلمى(صابر)