سيبى قلبى..بقلمى(صابر)

موضوع: سيبى قلبى..بقلمى(صابر) 26/04/12, 06:39 pm

سيبى قلبى

سيبى قلبى ان كنتى ماشيه..
قلبى مش حيروح معاكى..
وانتى وياه كنتى قاسيه..
فاكره ليه حيروح وراكى..

كنت متراهن عليكى..
وف تحدى لنفسى بيكى..
خلتينى خسرت نفسى..
خلتينى اندم عليكى..

يوم ماحبيتك ظلمتك..
كنت مخدوع بابتسامتك..
انتى مش قلب اللى عندك..
فاضيه والوسواس ماليكى..

قلبى يستاهل مايجرى..
واللى راح يجرالى بكره..
امتى تبقى عندى ذكرى..
انتى والوهم اللى فيكى..

درس واتعلمتوا منك..
لما احب استغنى عنك..
مااتكسفشى لما اقولك..
الخداع اسوأ مافيكى..

سيبى قلبى ان كنتى ماشيه..
وحدى ح اتحمل جراحه..
كان معاكى وانتى ناسيه..
ضاع مع كل اللى راحوا..

سيبى قلبى..
كنتى سيباه وانتى جنبى..
مش ح ادارى كمان واخبى..
كان خساره فيكى حبى..
سيبى قلبى

» قلبى اللى حبك..بقلمى(صابر)
» وجعت قلبى..بقلمى(صابر)
» قلبى معاك..بقلمى(صابر)
» ليه انا..بقلمى(صابر)
» انت ده..بقلمى(صابر)