افطار اليوم السادس عشر

وموعدكم مع افطار
اليوم السادس عشر
وبيتكون من :
كفتة الجمبرى +ارز ابيض + سلطة بابا غنوج+ الحلو: عصير خروب

كفتة الجمبرى

المقادير :
كيلو جمبرى
+ كوب ارز
+بقدونس
+ كزبره +شبت + نعناع
+ملح وفلفل + بهارات
+ طماطم لعمل الصلصه + زيت للتحمير

الطريقه :
يفرز الجمبرى بحيث ينتقى الصغير للتقشير وعمل الكفته
والكبير منه يوضع على النار بعد الغسيل فى اناء محكم مع ملح وكمون وبصله بقشرها مقطعه
ولا يوضع عليه ماء بل يكفى ماءه للتسويه
ويترك على النار لمده عشر دقايق مع تقليب الاناء وهوه مغلق لتسويه الجمبرى كله ويرفع من النار ويقدم بجوار الكفته
اما الجمبرى الصغير فتنزع منه القشره وبعد غسيل كوب الارز ونقعه فى الماء
مده معقوله يصفى ويطحن ويضاف الى الجمبرى المقشر
ويضاف اليهم مفروم الكزبره والنعناع والبقدونس والشبت ويفرم الجميع حتى تتجانس العجينه وتمتزج المكونات
تكور قطع العجينه على هيئه كور او اصابع بقليل من الزيت لسهوله التحكم بها وتحمر فى زيت ساخن وترفع تمهيدا لتجهيز الصلصه
( الصلصه عباره عن طماطم وملح وفلفل وكمون فقط توضع بها الكفته بعد التحمير) وتظل على النار حتى تستوى فى الصلصه ترفع وتقدم ساخنه ___

الارز الابيض : الكميه حسب عدد افراد الاسره : وسبق تقديم الطريقه من قبل _


سلطة بابا غنوج :

واحده حبه باذنجان
+ ثوم مهروس
+ 2 ملعقه طحينه + ملح وفلفل
+ كمون + خل + زيت
+ فلفل اخضر
الطريقه:
تشوى حبه الباذنجان على النار او داخل فرن البوتاجاز ثم تنزع منها الطبقه البنى ( القشره)
وتهرس مع اضافه كل المكونات السابقه وتقدم

عصير الخروب

: المقادير :

خمس ملاعق كبيره خروب مجروش +كوب سكر

_ الطريقه :

يوضع الخروب المجروش فى اناء ويوضع على النار يضاف اليه السكر مع التقليب المستمر حتى يسيح السكر
ويبدء فى الاحتراق يضاف اليه لتر ونصف ماء ويترك على النار حتى الغليان يبرد ويصفى ويوضع داخل التلاجه ويقدم باردا
وبالهنا والشفا



_________________

[center][size=

تسلم ايديك ياطاهي المنتدى
بس لي طلب عندك
النهاردة حضرت لينا
سلطة بابا غنوج :
ولو ان الاسم دا مش عارفاه بس السلطة لذيذة
عاوزاك بكرة تشوف لينا حاجة باسم ماما
ينفع؟